Россиянең 14 төбәгеннән, шулай ук Белоруссия, Үзбәкстан, Казахстан, Төркмәнстан, Төркия һәм АКШның 60тан артык фәнни эше Идел буе дәүләт физик культура, спорт һәм туризм университетында уздырыла торган «SMART SPORT & TOURISM: физик культура, спорт һәм туризм өлкәсендә цифрлы ТРАНСФОРМАЦИЯ» икенче Бөтенроссия фәнни-гамәли конференциясендә катнашу өчен җибәрелде. Халыкара катнашу белән Конференция Kazan Digital Week 2023 форумы кысаларында онлайн пленар утырыш һәм фәнни секция форматында уза.
"Пленар утырыш барышында тәкъдим ителәчәк докладларда спортның төрле төрләрендә мәгълүмат җыю һәм эшкәртүнең заманча технологияләрен кулланып, спорт аналитикасы өлкәсен үстерү мәсьәләләренә зур игътибар бирелә. Конференциядә беренче тапкыр виртуаль чынбарлыкны тренировка процессында куллану мәсьәләләре яктыртыла. Әлеге юнәлешләр безнең университетта да актив үсеш ала, шуңа күрә бу өлкәдә яңалыклар тудыручы кызыксынучы белгечләр һәм яшь галимнәр белән нәтиҗәле хезмәттәшлеккә өметләнәбез», - дип билгеләп үтте оештыручы-югары уку йорты ректоры Рафис Борһанов, катнашучыларны сәламләп.
Конференция эшендә фәнни җәмәгатьчелек вәкилләре, укытучылар, министрлык һәм ведомство җитәкчеләре, практика белгечләре, магистрантлар, конференция проблемалары буенча теоретик һәм гамәли мәсьәләләр белән шөгыльләнүче аспирантлар катнаша.
Конференция кысаларында катнашучылар физик культура, спорт һәм туризм өлкәсендә инновацион технологияләрне куллануның алдынгы фәнни һәм практик тәҗрибәсе белән уртаклаша алачак.
