Якынлашып килүче Бөтендөнья хатын-кызлар көне алдыннан Идел буе спорт университеты шатлыклы хәбәрләр алды: акробатик рок-н-ролл буенча җыелма команда составында ун студент һәм бер чыгарылыш укучысы «формейшн» дисциплинасында спорт мастеры кандидаты разрядын алды (ритмик музыкаль озата бару астында башкарыла торган, үз мәгънәсе, акробатика һәм ярымакробатика элементлары булган махсус әзерләнгән хореографик композиция). Бу хәл студентлар арасындагы Бөтенроссия ярышларының финалыннан соң булды, анда Идел буе командасы үзләрен ачык күрсәтеп, өченче урынны алды.
- Без бу максатка бик озак бардык һәм, ниһаять, аны үтәдек. Бу яңалык кызларны гаять көчле корып җибәрде, алга таба продуктив эшләргә илһамландырды. Әлбәттә, моңа тукталып тормыйбыз, безнең тагын да зуррак һәм мөһимрәк бурычларыбыз бар. Ярышларда яңа уңышларыбыз белән сөендерергә тырышырбыз, - дип уртаклашты команда тренеры, гимнастика теориясе һәм методикасы кафедрасының өлкән укытучысы Ирина Кучерова.
Кызларның киләсе чыгышы 23 нче мартта Казанда Студентлар арасында акробатик рок-н-ролл буенча Бөтенроссия ярышларында көтелә.
Текст: Георгий Воробьев
