Идел буе университетының өстәмә белем бирү институты «хоккейда спорт әзерлеге теориясенең һәм методикасының заманча аспектлары (спорт-сәламәтләндерү этабы һәм башлангыч әзерлек этабы)»хоккей буенча тренерлар өчен квалификация күтәрү курслары оештырды. Квалификация күтәрү буенча өстәмә һөнәри программаларны гамәлгә ашыруга килешүгә Идел буе университеты һәм Россия Хоккей федерациясе узган елның июлендә кул куйган иде. Әлмәтнең «Нефтяник»спорт мәктәбенең 20 тренеры беренче агымда укуларын уңышлы тәмамлады. Курслар март башында спорт университеты һәм «Нефтяник»хоккей әзерлеге үзәге базасында узды. Беренче атнада тыңлаучылар онлайн-форматта укыдылар, ә икенче атнада аларны курсның практик өлеше көтте. Курс спикерлары булып шулай ук Идел буе университеты укытучылары да чыгыш ясады. Гимнастика теориясе һәм методикасы кафедрасының өлкән укытучысы Ирина Кучерова яшь хоккейчылар белән күнегүләр үткәрү һәм гомуми физик әзерлек өчен күнегүләр сайлау турында сөйләде. Ә футбол һәм хоккей теориясе һәм методикасы кафедрасының өлкән укытучысы Шамил Ениикеев тыңлаучылар белән спорт буенча сайлап алу нигезләрен, боздан тыш һәм бозда тренировкалар төзү үзенчәлекләрен, махсус күнегүләр сайлап алуны тикшерде. Шулай ук лекция дәресләрен Россия Хоккей Федерациясенең аттестация һәм сертификацияләү бүлеге башлыгы Игорь Тебайкин үткәрде. Ул «кызыл машина» хоккейчыларын әзерләү милли программасының үзенчәлекләрен билгеләп үтте һәм тренерларга сертификат алу процедурасын җентекләп тасвирлады, шулай ук йомгаклау аттестация комиссиясе эшендә катнашты. Уку нәтиҗәләре буенча барлык тыңлаучылар да йомгаклау тестын уңышлы үттеләр һәм курсларның югары дәрәҗәдә оештырылуын билгеләделәр.
– Укуның максаты-хоккей буенча тренерларны сертификацияләү. Киләчәктә дә хезмәттәшлекне дәвам итәргә планлаштырабыз. Инде өч квалификация күтәрү программасын үткәрү планлаштырылган - хәзер чиратта Түбән Кама, Чуваш Республикасы, шулай ук Казан вәкилләре – Моисеев исемендәге Ак барс Академиясе, – дип уртаклашты өстәмә белем бирү институты директоры урынбасары Анастасия Невмывака.
Хәзерге вакытта өстәмә белем бирү институты спорт мәктәпләреннән хоккей буенча тренерлар өчен квалификация күтәрү программасы буенча укырга гаризалар кабул итүне дәвам итә.
