Бүген Казанның Мактау китабына Идел буе дәүләт физик культура, спорт һәм туризм университеты ректоры вазыйфаларын башкаручы Рафис Борһанов исеме кертелде. Тантана Казан Ратушасында Республика көненә һәм Шәһәр көненә багышланган тантаналы җыелыш кысаларында узды.
Бүләкләү тантанасыннан соң Рафис Тимерханович Мэрга һәм залда утыручыларга шундый сүзләр белән мөрәҗәгать итте:
- Миңа ике командада эшләргә туры килде. Башта без Сезнең белән, Илсур Рәисович, Исхаков К.Ш. командасында эшләдек. Ул чакта тузган торакны бетерү программасы, шәһәрнең 1000 еллыгына әзерлек һәм аны үткәрү программасы барлыкка килде, метроның беренче тармагы төзелеше башланды. Ул вакытта шәһәребезнең алга таба динамикалы үсеше өчен нигез салынды.
2005 елда кайтуыгыз белән, Илсур Рәисович, шәһәр алга таба да төзекләндерелгән торак төзелешенә, халык өчен уңайлы, имин мохит булдыруга юнәлдерелгән яңа үсеш векторын алды. Ул вакытта Татарстан башкаласына яңа инвестицияләр җәлеп итү буенча тиңдәшсез, масштаблы эш башланды. XXVII Бөтендөнья җәйге Универсиада, Су спорт төрләре, футбол буенча дөнья чемпионатлары, WorldSkills-2019 һөнәри осталык буенча 45 нче дөнья чемпионаты оештырылды һәм үткәрелде.
Болар барысы да дистәләгән миллиард инвестицияләр, дистәләгән чишелеш, дистәләгән километр яңа һәм ремонтланган юллар, бик күп спорт, социаль, мәдәни инфраструктура объектлары. Илсур Рәисович сезгә, Казан шәһәре Думасына, хезмәт юлын башлаганда безне өйрәткән һәм иминләштергән укытучыларыбызга, шәһәр халкына, республикабыз һәм ил җитәкчелегенә, мэрларыбыз җитәкчелегендә Казан Өченче башкала статусын алсын өчен эшли алырлык мөмкинлек биргән өчен, республикабызның горурлыгы гына түгел, ә безнең зур Россиянең горурлыгы булсын өчен зур рәхмәт! Сезгә, Илсур Рәисович, һәм сезнең командага шәһәр үсешендә уңышлар телим.
Казанның Мактау китабына эшчәнлекнең төрле өлкәләрен үстерүгә зур өлеш керткән, Татарстан башкаласының тормыш дәрәҗәсен арттыруга, республикада, Россия Федерациясендә һәм чит илләрдә аның абруен күтәрүгә ярдәм итүче аерым гражданнарның фамилияләре, предприятие, оешма, учреждение, иҗтимагый оешмалар һәм берләшмәләр кертелә. Һәр гражданга, предприятиегә, иҗтимагый оешмага яки берләшмәгә Мактау Китабына кертелгән булу хокукы бирелде, билгеләнгән үрнәктәге таныклык һәм күкрәк билгесе тапшырыла.
Фото: Денис Гордийко
