Акробатик рок-н-ролл буенча Идел буе спорт һәм туризм университеты командасы Татарстан Республикасы чемпионы булды. Ярышлар узган ял көннәрендә «Тулпар» спорт комплексында узды.
Формейшн дисциплинасында «Step up» хатын-кызлар командасы чыгышы җиңүче булды. «В-класс микст ир-атлар һәм хатын-кызлар» да югары уку йорты студентлары Булат Шәрәфетдинов Людмила Моисеева, Дмитрий Тогулев Регина Дамадаева белән парда икенче һәм өченче урыннарны үзара бүлеште.
Ярышлар 16 нчы октябрьдә Кировта узачак Идел буе федераль округы чемпионатында һәм беренчелегендә катнашу өчен сайлап алу этабы булды.
«Татарстан Республикасы чемпионаты - төбәк турниры һәм Россия чемпионаты алдыннан мәҗбүри старт, ягъни бу ике стартта чыгыш ясау хокукын алу өчен сайлап алуны узарга кирәк. Шуңа күрә безнең өчен республика турнирында чыгыш ясау аерым әһәмияткә ия, - дип сөйли команда җитәкчесе Ирина Кучерова. - Быел формейшн командасы составы яңартылды һәм безнең өчен һәр чыгыш ясау-команданы гына түгел, программаны да сынап карау өчен тагын бер мөмкинлек. Алга таба эшләячәкбез һәм алда торган турнирларга әзерләнәчәкбез».
Социаль челтәрләрдә безгә язылу: Телеграм һәм ВК
