Идел буе физик культура, спорт һәм туризм университеты ректоры Рафис Борһанов «Россия – спорт державасы» Х Халыкара форумында катнаша. Форум бүген старт алды һәм 30 нчы сентябрьгә кадәр дәвам итәчәк. Өч көн дәвамында Кемерово, Шерегеш һәм Беловода алты мәйданчыкта 40тан артык эшлекле программа чарасы планлаштырылган. Форум кысаларында Россия җитештергән спорт җиһазлары һәм инвентарьлары күргәзмәсе эшли башлады. Катнашучыларны һәм кунакларны шулай ук киң спорт программасы һәм мәдәни чаралар көтә.
Форумда катнашучыларга Россия спорт министры Олег Матыцин мөрәҗәгать итте:
«Россия Федерациясе Спорт министрлыгы исеменнән «Россия – спорт державасы» X Халыкара спорт форумында катнашучыларны, оештыручыларны һәм кунакларны сәламләвемә шатмын!
Юбилей форумы хәзерге спорт тарихында истәлекле вакыйга булачак. Бүген безнең ил һәм Россия спорты санкцияләр басымы шартларында яңа проблемалар белән очрашканда, милли спорт системасын ныгыту, ярышларның яңа форматларын тәкъдим итү һәм спорт һәм физик культура белән шөгыльләнү өчен инфраструктураны яхшырту мөһим. Безгә Россия җыелма командаларын әзерләү өчен барлык шартларны да булдырырга, спортчыларыбызны иң яхшы базалар, җиһазлар, киемнэр һәм инвентарь белән тәэмин итәргә кирәк.
Форум - Россия һәм халыкара экспертлар өчен нәтиҗәле алмашу мәйданчыгы. Быел «Россия – спорт державасы» форумының төп юнәлешләре физик культураны һәм спортны популярлаштыру, Россия спортчыларына ярдәм итү, импортны алыштыру, тармакны циффрлаштыру һәм «спорт – тормыш нормасы» һәм «Бизнес-спринт» федераль проектларын тормышка ашыру темалары булачак.
Быел кунакчыл Кемерово кабул итә торган форум безнең тармакның алга таба үсешенә ярдәм итәр һәм күп кенә проектлар өчен башлангыч нокта булыр дип ышанам», - диелә Россия спорт министры мөрәҗәгатендә.
Социаль челтәрләрдә безгә язылу: Телеграм һәм ВК
