Узган ял көннәрендә Казанда 3х3 баскетбол буенча Татарстан Республикасы Чемпионаты узды. Аның җиңүчеләре - «ХелиТаб» һәм «Тулпар» командалары киләсе сезонга ир-атлар һәм хатын-кызлар җыелма командалары статусын алдылар.
Идел буе спорт университеты студентлары Данила Пауков һәм Степан Лейченко (Уникс2нең экс-уенчысы), «ХелиТаб» составында чыгыш ясап, быел Россия чемпионатының бронза медальләрен яулап кына калмадылар, республикада узган елгы нәтиҗәләрен дә яхшырттылар, бу юлы көндәшләренә өмет калдырмадылар.
Хатын-кызлар турнирының ике финалисты - югары уку йортлары командалары. Россиянең бронза призерлары - Инна Куликова, Наталья Макушина, Дарья Перова һәм Любовь Булавкина, шулай да Идел буе университетының икенче командасын җиңеп, республикада чемпионлыкны саклап калдылар. Идел буе университеты студентлары Камилә Галиуллина, Екатерина Каплина, Анна Латошенко һәм Виктория Тюбинада республика чемпионатының көмеш медальләре бар. Ике команданың да тренеры Наталья Кулешова.
