Казан Кремлендә сәнәгать, төзелеш һәм транспорт хезмәткәрләренә, медицина даирәләре, мәдәният, массакүләм мәгълүмат чаралары һәм башка өлкәләр вәкилләренә Россия һәм Татарстан дәүләт бүләкләрен тапшыру тантанасы булды.
Бүләкләрне лауреатларга мөрәҗәгать иткән республика премьер-министры Алексей Песошин тапшырды:
"Һәркемнең үз эшчәнлеге, үз юлы бар, әмма барыгызны да үз эшенә тугрылык берләштерә. Намуслы хезмәтегез өчен рәхмәт».
Россия Федерациясенең Атказанган физик культура хезмәткәре мактаулы исеме белән ун ел дәвамында Идел буе университетының Су спорт төрләре сараен җитәкләгән, ә хәзер Татарстан Республикасы спорт министрлыгының Спорт әзерлеге үзәге директоры вазыйфасын биләүче Альберт Баһаутдинов бүләкләнде.
"Тренерлар һәм спортчылар-үз эшләренең җанатарлары, алар һәрвакыт сәламәт яшәү рәвеше байрагын югары күтәрәчәкләр. Бүген без ирешкән нәтиҗәләр – профессиональ һәм җаваплы кешеләр коллективларының, шулай ук минем белән бергә эшләгән һәм физик культураны алга сөргән җитәкчеләрнең хезмәте», - дип аңлатма бирде Альберт Баһаутдинов
