Татарстан рәисе Рөстәм Миңнехановның яшь галимнәр һәм педагоглар белән очрашуында Идел буе университеты аспиранты Екатерина Платошкина катнашты. Чара КФУның «Белем» Яңа мәгариф музеенда узды. Анда педагогларның иҗтимагый абруен күтәрү, аларга ярдәм итү чаралары, шулай ук яшьләрне фән өлкәсенә җәлеп итүнең мөһимлеге турында фикер алыштылар. Екатерина үзенең гомерен спорт өлкәсендәге фәнни белемнәрен тирәнәйтүгә багышлады. Ул аспирантураның өченче курсында «кеше һәм хайваннар физиологиясе» юнәлеше буенча укый. Узган ел ул «ТРның иң яхшы яшь галиме» конкурсында «социогуманитар фәннәр өлкәсендә иң яхшы аспирант»номинациясендә җиңү яулады. Аның «текә спортчы булу – тормышның бер өлеше, ә бөтен тормыш түгел " фәнни доклады спорт карьерасын тәмамлаган һәм заманча җәмгыятьтә адаптацияләү һәм социализацияләү өчен квалификацияле ярдәмгә мохтаҗ атлетларга ярдәм итүгә юнәлдерелгән.
– Татарстан Республикасы Рәисе белән очрашу озак көтелгән һәм дулкынландыргыч булды. Бездә кызыксындырган сорауларны бирү өчен менә дигән мөмкинлек туды, аларга Рөстәм Нургалиевич рәхәтләнеп җавап бирде. Чара җылы һәм дустанә шартларда узды, ә Татарстан Рәисе белән аралашу күңелле һәм ихлас булды, – дип уртаклашты Екатерина Платошкина.
Ул шулай ук кандидатлык диссертациясен язуын дәвам итәчәген һәм киләсе елда яклауга чыгарга ниятләвен билгеләп үтте.
Текст: Аделина Храмова
Фото: Татарстан Республикасы Рәисе матбугат хезмәте
