Мәскәүдә хисап-сайлау Олимпия җыелышы узды, анда Россия Олимпия комитетының яңа президенты сайланды. Бу вазыйфага бердәнбер кандидат Россия спорт министры Михаил Дегтярев булды, аны Россия Олимпия комитетының 40тан артык әгъзасы тәкъдим итте. Элегрәк Михаил Дегтярев кандидатурасын Россия Теннис федерациясе президенты, Халыкара Олимпия комитеты әгъзасы Шамил Тарпищев тәкъдим иткән иде һәм Россия Олимпия комитетының мактаулы президенты, Халыкара Олимпия комитетының мактаулы әгъзасы Виталий Смирнов октябрь аенда Уфада узган Россия Президенты каршындагы Физик культура һәм спортны үстерү советында хуплады.
Олимпия җыелышында чыгыш ясап, Михаил Дегтярев халыкара аренада Россия спорты позицияләрен ныгытуның мөһимлеген ассызыклады.
«Безнең атлетлар өчен халыкара ярышларда медальләр яулау һәм аларны өйгә – Россиягә алып кайту мөмкинлеген саклап калу мөһим. Алар Россия гражданлыгыннан баш тартмыйлар, бөтен дөньяда аларның кайсы илне тәкъдим итүләрен беләләр. Һәм без алар өчен Россия эчендә өстәмә киртәләр тудырырга тиеш түгел. Безгә халыкара оешмалар адресына агрессив риториканы туктатырга вакыт. Аларның күбесе, шул исәптән ХОК әгъзалары да, Глобаль спортның Россиядән башка «очмавын»күптән аңладылар. Күпсанлы рәсми булмаган элемтәләр вакытында алар Россиянең Халыкара Олимпия хәрәкәтенә кайтуын теләүләрен турыдан – туры әйтәләр», - дип билгеләде Михаил Дегтярев. Ул ассызыклаганча, Олимпия, Паралимпия һәм Сурдлимпия уеннарына Россия флагын кайтару буенча юридик эшне көчәйтергә, шул исәптән халыкара судларда һәм башка инстанцияләрдә Россия спорты мәнфәгатьләрен яклаучы юристлар штатын ныгытырга кирәк. Михаил Дегтярев Россия Олимпия комитеты үсеше стратегиясенә барлык чикләүләрне бетерү һәм безнең спортчыларның милли әләм астында барлык халыкара ярышларда тулы канлы катнашуы, халыкара спорт оешмаларының идарә органнарына Россия вәкиллеген интеграцияләү, Россия Олимпия Комитетының Халыкара Олимпия комитетындагы статусын торгызу кебек инициативалар кертеләчәк, дип сөйләде. Олимпия җыелышы барышында шулай ук Россия Олимпия комитетында башка җитәкче вазифаларга сайлаулар узды. ОРК генераль директоры итеп Роман Крамарь, генераль сәркатибе итеп Виктор Березов сайланды. Россия Олимпия комитеты Вице-президентлары Олег Белозеров, Дмитрий Мазепин, Александр Никитин, Геннадий Тимченко, Аркадий Ротенберг, Марат Филиппов һәм Павел Фрадков булды. ОКР контроль-ревизия комиссиясе составына Рубен Бегунц, Станислав Дружинин, Игорь Кучеренко, Денис Рогачев, Валентин Хәбиров кергән. Россия Олимпия комитеты башкарма комитеты составына 29 кеше керде: Михаил Дегтярев, Роман Крамарь, Виктор Березов, Шамил Тарпищев, Александр Попов, Виталий Смирнов, Юрий Борзаковский, Евгений Архипов, Олег Белозеров, Наталия Гарт, Николай Гуляев, Александр Дюков, Дмитрий Мазепин, Виктор Майгуров, Илгар Мамедов, Михаил Мамиашвили, Александр Никитин, Наталья Паршикова, Анатолий Пегов, Аркадий Ротенберг, Дмитрий Свищев, Антон Сихарулидзе, Геннадий Тимченко, Владислав Третьяк, Марат Филиппов, Петр Фрадков, Сергей Цой, Станислав Шевченко, Сергей Шишкарев. Олимпия җыелышы кысаларында Россия Олимпия комитеты Уставына үзгәрешләр һәм өстәмәләр кертелде һәм аны яңа редакциядә раслау кертелде. Россия Олимпия комитеты әгъзалары структурасында яңа категория барлыкка килде – Россия Олимпия комитеты спортчылары комиссиясе тәкъдим иткән вәкилләр, бу яңалык оешма белән идарә итүдә атлетларның ролен арттырачак. Шул ук вакытта Россия Олимпия комитеты структурасыннан төбәк олимпия советлары чыгарылган, бу идарә итү системасын оптимальләштерергә мөмкинлек бирәчәк һәм Олимпия Хартиясенә туры киләчәк. Моннан тыш, Уставта Россия Олимпия комитетының максатлары һәм бурычлары төгәлрәк билгеләнгән,шул исәптән оешманың автономлыгын тәэмин итү, ХОК Олимпия хартиясе һәм Россия законнары таләпләренә туры килү. Уставның яңа редакциясе Халыкара хезмәттәшлек һәм Россия спортының дөньядагы позицияләрен көчәйтү өчен өстәмә мөмкинлекләр ача.
Россия Спорт министрлыгы матбугат хезмәте
