Россия студентлар спорт берлегенең мактау билгесе белән Идел буе физик культура, спорт һәм туризм университеты ректоры Рафис Борһанов бүләкләнде. Бүләкне бүген Россия студентлар спорт берлеге президенты Сергей Сейранов Мәскәүдә берлекнең башкарма комитеты утырышы кысаларында тапшырды. Россия студентлар спорты берлеге Башкарма комитеты утырышы кысаларында чарада катнашучылар студентлар спорт лигаларын үстерү һәм аларның студентлар спорт клублары белән үзара хезмәттәшлеге, студентлар спортының халыкара аренасындагы агымдагы хәлне бәяләү, студентлар спортын фәнни-методик, белем бирү һәм агарту белән тәэмин итү, шулай ук студентлар спортының цифрлы һәм инновацион-технологик үсеше мәсьәләләрен карадылар.
