Идел буе университеты «Россия-Ислам дөньясы: KazanForum»халыкара икътисадый форумы кысаларында Казанга килгән Абу – Даби Су спорт төрләре клубы делегациясен кабул итте. Берләшкән Гарәп Әмирлекләреннән килгән кунакларны Су спорт төрләре белән шөгыльләнү өчен инфраструктура һәм Россия һәм Татарстан спортчылары өчен тудырылган шартлар аеруча кызыксындырды. Делегация составында Идел буе университетына дүрт кеше – Берләшкән Гарәп Әмирлекләренең Олимпия комитеты президенты киңәшчесе, Берләшкән Гарәп Әмирлекләренең Паралимпия комитетының спорт секторы башлыгы, Абу-Дабиның Су спорт төрләре клубы спорт директоры Амир Бадави, хатын-кызлар спорты академиясенең спорт секторы белән идарә итүче Фатима Бинт Мөбарәк Әл Нахьян, Су спорт төрләре клубы Директорлар советы әгъзасы Фатима Әл-Амери, Абу-Дабиның Су спорт төрләре клубы вице-президенты килде Сәид Әл Джасми һәм Абу-Дабиның Су спорт төрләре клубы Директорлар советы әгъзасы Нура Әл-амери. Югары уку йортының инфраструктурасы белән танышу фәнни эш һәм халыкара эшчәнлек буенча проректор Андрей Назаренко җитәкчелегендә һәм Идел буе университетын тәмамлаучы, Казан халыкара Африка һәм Якын Көнчыгыш илләре белән хезмәттәшлек институты директоры Фисал Хәсән озатуында узды. Делегатларда Универсиада музее күп хисләр уятты, анда алар стенада теләкләр язылган язу калдырдылар, ә лабораториядә күп һөнәри кызыксыну барлыкка килде, анда Берләшкән Гарәп Әмирлекләреннән килгән кунаклар инновацион җиһазларны үзләрендә сынап карадылар. Визит ахырында Абу-Даби Су спорт төрләре клубы вәкилләре Идел буе университеты җитәкчелеге белән уртак планнар турында сөйләштеләр. "Алда безне уңышлы хезмәттәшлек көтә, аеруча Идел буе университеты базасында тренировкалар үткәрү мөмкинлеге кызыклы. Спортчыларның мөмкинлекләрен һәм аларның сәламәтлек торышын җентекләп тикшерә торган Лаборатория безне иң нык тәэсир итте. Җәй көне безнең спортчылар Казанга киләчәк һәм, бәлки, алар бу мөмкинлекләрне үзләрендә сынап карый алырлар, – дип сөйләде Абу-Даби Су спорт төрләре клубы вице-президенты Сәид Әл Джасми. - Без шулай ук Әмирлекләрдә Идел буе университетын тәмамлаучыларны бик теләп кабул итәр идек-безгә аеруча күренекле спорт төрләре өлкәсендә белгечләр кирәк».
Автор: Дарья Беззубова
