«Сәламәт мохит» кысаларында Идел буе университеты коворкингында ишарәләр белән җырлау буенча мастер-класс узды. Аның максаты студентларны ишарәләр теле һәм җырлау нигезләренә өйрәтү булды. Чараны адаптив физик культура кафедрасы укытучылары Наталья Сумина һәм Анастасия Салмова, шулай ук рус ишарәләр теленнән тәрҗемәче Екатерина үткәрде. Судьялар сыйфатында мастер-класска Идел буе университетының ишетми торган укучылары Артур һәм Данил чакырылган иде. Мастер-класс программасы ике этаптан торды. Беренчесендә барлык катнашучыларны ике командага бүлделәр, һәм һәр студентны ишарәләр телендә үз исемен ничек күрсәтергә өйрәттеләр. Ә икенче катнашучыларга Владимир Высоцкийның ишарәләр телендә башкарырга тиешле «иртәнге гимнастика» җыры тәкъдим ителде. Беренче команда җырның беренче куплетын, ә икенчесе – икенчесен өйрәнде. Һәр этаптан соң студентлар судьяларга үзләренең өйрәнгәннәрен күрсәттеләр. Чара азагында Артур һәм Данил һәр командадан биремне барысыннан да яхшырак үтәүчеләрне сайлап алдылар һәм бүләкләр белән бүләкләделәр.
Текст: Елизавета Васалатий
Фото: Павел Железняк
