Идел буе физик культура, спорт һәм туризм университетында физик тәрбия һәм спорт күнекмәләре теориясе һәм методикасындагы заманча тенденцияләргә багышланган Халыкара студентлар видеоконференциясе узды. Фәнни чара бишенче тапкыр уздырыла.
Конференцияне оештыручылар булып Идел буе университетының волейбол һәм баскетбол теориясе һәм методикасы кафедрасы һәм Днестр буе дәүләт университетының физик культура һәм спорт факультеты чыгыш ясый.
Конференциядә Днестр буе дәүләт университетының Белгород дәүләт университеты, Көнбатыш-Казахстан инновацион-технологик университеты һәм белорус дәүләт физик культура университеты.студентлары, магистрантлары һәм аспирантлары катнаша.
Катнашучыларны Идел буе спорт университетының волейбол һәм баскетбол теориясе һәм методикасы кафедрасы мөдире Игорь Коновалов, шулай ук башка югары уку йортлары вәкилләре сәламләде.
Докладлар тематикасы физик культура һәм спортның төрле аспектларына кагыла. Чыгыш ясаучылар спортчыларның төрле спорт төрләрендә психологик һәм функциональ әзерлеге, спортчыларның Олимпия уеннарында чыгыш ясауның тарихи аспектлары, төрле яшьтәге халык белән эшләүдә физик культураның әһәмияте һ. б. мәсьәләләргә тукталдылар.
Катнашучыларның докладлары кызыксыну уятты, конференциядә катнашкан студентлар һәм укытучылар ягыннан күп сораулар булды. Видеоконференция нәтиҗәләре буенча алга таба фәнни чара үткәрү форматын киңәйтергә һәм конференция материалларын бастырып чыгару һәм РИНЦта урнаштыру өчен әзерләргә карар кабул ителде.
