Тәрҗемә эше буенча туристик маршрутлар төзү эшенә Идел буе академиясе өстәмә белем бирү үзәге белгечләре алынды.
Әлеге тәрҗемәчеләр чит телне яхшы беләләр, алар профессиональ экскурсоводлар буларак Казанның архитектура истәлекләрен яхшы беләчәк: әлеге заказ ТРның туризм буенча Дәүләт комитетыннан килә. Уку программасы 144 сәгатькә исәпләнгән һәм әлеге өч айга исәпләнгән курслар сервис һәм туризм кафедрасы тарафыннан оештырыла. Курслар октябрьдә башланып, декабрьдә төгәлләнә. Укуга 50 кеше гариза бирде. Дәүләт комитетында Казанда нинди ил туристлары күбрәк булуы турында сөйләштеләр. Әлеге исемлеккә фарсы, француз, япон, гарәп телләре керде. Курсларга язылучылар инглиз теленнән тест тапшырды.
Программа үз эченә теоретик һәм практик биремнәрне ала. Теоретик өлеше рус, ә практик өлеше инглиз телендә алып барыла. Курслар тәмамлангач, укучылар гид-тәрҗемәче һөнәрен үзләштерә. Һәр теләгән сертификатлы белгеч Казан буенча экскурсия оештыра ала.
Сервис һәм туризм кафедрасы җитәкчесе Людмила Петрик сөйләвенчә, ТР туризм буенча Дәүләт комитеты белән төзелгән бердәм проект республиканың туризм тармагын үстерүдә зур роль уйный:
- Без курсларны югары дәрәҗәдә уздырырбыз дип уйлыйм. Бу исә экскурсион тәэминат өлкәсен үстетергә булышачак.
