«Фиджитал-Футбол» дисциплинасында киләчәк студентлар уеннары буенча Идел буе университетының беренче ачык чемпионаты узган ялларда Ишкәкле спорт төрләре үзәгенең спорт залында узды.
Республиканың сигез югары уку йорты командасы КНИТУ, КАИ, КФУ, ТИСБИ, КГМУ, РГУП, КЮИДАН «FIFA» компьютер уенда, ә аннары чын футбол матчында ярыштылар.
Финалда федераль университет җыелма командасы һәм «Авиаторлар»очрашты. Виртуаль чынлыкта командалар тигез 7:7 исәбе белән уйныйлар, шуннан соң кырга чыгалар һәм яңадан матч тигез 1:1 исәбе белән тәмамлана. Чемпион пенальти сериясендә билгеләнә, анда КФУ командасы уңышлырак була һәм 9:8 исәбе белән җиңә.
Идел буе университеты һәм РГУП командалары арасында бронза медальләр өчен матч мәйданчык хуҗаларының ышанычлы җиңүе белән тәмамланды. Башта командалар FIFAДА уйныйлар, 8:2 исәбе белән спорт һәм туризм университеты студентлары җиңәләр. Ә кырга чыккач, Идел буе университеты командасы, кунаклар капкасына тагын бер гол кертеп, җиңүне үз өстенә алды.
Турнирның җиңүчесе-Казан федераль университеты командасы 30 000 сумлык сертификат алды. Икенче урынны яулаучылар-Казан авиация институты командасы 18 000 сумлык сертификат белән бүләкләнде. Бронза призерлар мәйданчык хуҗалары җыелма командасы 6 000 сумга сертификат алды.
Текст: Илнур Шакирҗанов/Павел Железняк
