Бүген иң яхшы Татарстан чаңгычыларын, аларның тренерларын һәм 2020/21 сезонында чаңгы трассаларында республика җыелма командасының уңышына өлеш керткән кешеләрне хөрмәтләү тантанасы кысаларында, Россия Федерациясенең чаңгы ярышлары федерациясе белән Идел дәүләт физик культура университеты арасында хезмәттәшлек турында килешү төзелде. Хезмәттәшлек турында документка университетвазыйфаларын башкаручы ректор Рафис Борһанов һәм федерация президенты Елена Вяльбе кул куйды.
Рафис Тимерханович университет һәм федерация арасындагы хезмәттәшлек перспективаларын югары бәяләде:
- Килешү төзү формаль акт кына түгел. Әлбәттә, формаль ягы да мөһим, шуңа күрә без уртак эшне планлаштыра алабыз. Ләкин бу документның асылы, беренче чиратта, ике як өчен дә безнең спортчыларны һәм тренерларны, шулай ук тармакның төрле хезмәткәрләрен яңадан әзерләүне оештыру максатында. Безнең Университетта чаңгы шуу белән шөгыльләнүчеләр җитәрлек, һәм бу килешү кысаларында без үзебезнең университет мөмкинлекләрен - класс фонды, белгечләр, һәм, әлбәттә, Елена Валерьевна җитәкчелегендә булган федерация мөмкинлекләрен кулланачакбыз. Бу безгә тәҗрибәле белгечләрне җәлеп итәргә мөмкинлек бирәчәк.
Елена Вяльбе килешү федерациягә һәм университетка иң амбицияле уртак планнарны тормышка ашырырга ярдәм итәчәгенә ышаныч белдерде:
- Бездә чаңгы шуу күнегүләре юнәлеше булган белем бирү учреждениеләре күп түгел. Без беренче ел гына эшләмибез, бер-беребезне яхшы беләбез. Сезнең университетта без федерациянең отчет һәм сайлау конференциясен үткәрдек. Безнең спортсменнар монда укырга шат булырлар дип ышанам. Сезнең республиканы, аның җитәкчелеген белеп, сез спортсменнарның күнекмәләрен үстерүгә һичшиксез зур мөмкинлекләр булдырачаксыз. Университетка тренерлык һөнәрен өйрәнү өчен килеп, университетны спорт өчен файдалы белгечләр булып тәмамласыннар иде.
