Идел буе спорт университеты студенты Дарья Ахмерова Мәскәүдә узган Европа чемпионатында Россия җыелма командасы өчен бу турнирда бердәнбер югары дәрәҗәдәге бүләк булган алтын медаль яулады. Дарья өчен бу турнир – олы яшь категориясендә беренче. Өстәвенә, юниорлар арасында дөнья чемпионатын спортчы, Казахстан җыелмасы өчен чыгыш ясап, отты.
Казанга кайткач, без Европа чемпионына берничә сорау бирдек.
- Дарья, сез бик ышанычлы рәвештә зурлар дәрәҗәсендә чыгыш ясадыгыз. Алга таба нинди планнар?
- Ирешелгәннәрдә тукталып калырга җыенмыйм. Үземдә яңа җиңүләр өчен көч һәм мөмкинлекләр тоям.
- Россиядә үз авырлык категориясендә җитди көндәшләрегез бармы?
- Минем өчен җиңелгән Россия Кубогында без Дарья Рязанова белән көрәштек, Европа чемпионатында ул өченче булды. Ул минем иң төп көндәшем.
- Алга таба дөнья чемпионаты һәм сезнең спорт төрендә иң көчлеләр кытайлылар…
- Әйе, бүгенге көндә кытайлылар – дөнья беренчелекләренең төп фаворитлары. Мин алар белән әле бер тапкыр да очрашмадым. Тик теләсә кайсы очракта, барысы да миңа бәйле, ә миңа әле күп нәрсә өстендә эшләргә. Тик җиңү өчен бөтен көчне куячакмын дип төгәл әйтә алам.
- Казанда сез Казахстаннан килгән тренер җитәкчелегендә шөгыльләнәсезме?
- Әйе, бу абыем, Әнвәр Равил улы Әхмәров-бик тәҗрибәле тренер, ул шактый уңышлы спортчылар тәрбияләгән. Ул һәрвакыт минем белән турнирларда һәм җыеннарда, анда синең тренерың еш кына ярдәм итәргә сәләтле бердәнбер якын кеше. Казанда аның туганнары күп. Һәм миңа монда бик ошый. Матур зур шәһәр!
- Казанга күчкәч, сез Идел буе спорт университетына укырга кердегез…
- Әйе, Казахстанда мин спорт көллиятен тәмамладым һәм югары уку йортында укуымны дәвам итәргә теләдем. Алга таба да адаптив физик культура өлкәсендә эшләргә телим. Тренер булырга планнарым юк, чөнки бу бик авыр һөнәр. Әлегә мин читтән торып укыйм, университетта еш булмыйм. Әмма килгәч, аның никадәр зур мөмкинлекләр бирүче уку йорты икәнен күреп һәрчак таң калам! Монда укырга да бик яхшы.
